( ابو شكة )
ده عايش بالاونطة وفى كل طلعة شنطة
ويعصى الناس عليا ويجيب عيوبه فيا
والكل عارف انه .... ابو شكة
انا شوفته من البداية ومكنشى ذوق معايا
ويبص فى المرايا ويعمل مش شايفنى
اعمل له ايه ياناس راجل من غير احساس
وبارد بالوراثة ومعاه اسطول حراسة
ولما تشوفه تزعل وتقول يامنجى نجى
مين اللى جابه فى حياتى ده ترزى والاساعاتى
. ياخسارة انى شوفته وعرفته وكلمته
انسان وملوش لزمة ومكلكع وعامل ازمة
. عامل لى فيها باشا ويقابلك بالبشاشة
استاذ فى الاونطة وفى ثانية يوديك طنطا
حول حياتى لأزمة وصراع من غير لزمة
غريب فى طباعه دايما وعيونه فى كل حته
ولما تشوفه تهرب تدارى فى اى حتة
بيعلى الصوت عليا ويلوم ويجرح فيا
ويقول للناس امامى ده جاى متوصى عليا
ذهقنى من حياتى ده راجل والاالاتى
وشوية تشوفه بيضحك وفى ثانية شر وعادى
ارحم نفسك يا عظيم ماراح زمن التنجيم
وحبيبك بكرة عدوك والفاهم طبعه كريم
محمد عباس
ليست هناك تعليقات:
إرسال تعليق