( آسف أن كنت طلبتك )
من غير ما أشعر أو أحس
وصوابعى عشقت رقمك
وعليها بترقص رقص
حبيت أن أسمع صوتك
وعليكى اطمن بس
يا سلام ساعة ما افتكرك
الاقينى فى ساعة حظ
وانسى الدنيا وافتكرك
اصلى انتى عندى أعز
وياريت تسمحى من زوقك
لو مره عليكى ابص
وحشتنى بجد عيونك
يا أرق واجمل همس
مش ها أنكر انى بحبك
ويوماتى يزيد عن أمس
والبال على طول مشغول بك
لكن انتى معايا العكس
قاسيه وظالمانى عواطفك
حتى الأسلوب واللفظ
مشتاق وفى نفسى اشوفك
من غير ما أخرج ع النص
مش عارف ليه بقى خوفك
وانا واضح زى الشمس
ومقدر كل ظروفك
بهدوء وبطيبة نفس
شئ عايز افهمهولك
وفى ودنك حطيه حرز
انا غير كل اللى قالوا لك
كلمات وعسل بينز
والفرق ها اوضحهولك
مضمونه فى كلمه ونص
بلسانها الناس بتحبك
لكن انا بحواسى الخمس
ايوه بحواسى الخمس
بقلم الشاعر: عبد الله موسى
ليست هناك تعليقات:
إرسال تعليق