(يا حلاوة الليل)
يا حلاوة الليل وسكونه
وحبيبي قريب مني
القلب بينسي ظنونه
وبنظرة حب يطمني
في بحر عيونه أنا سارح
وسلمت له الدفه
دا ملامحه أحلي ملامح
مليان إحساس وخفه
دا غرامه وشوقه ساكني٠
بيقولي كلام وبقوله كلام
بيمر الليل ولا لحظه ننام
وياه أنا عايش في الأحلام
ماسك في إيديه وماشي لقدام
وبعلمه الحب وبيعلمني٠
من قبله إحترت وتوهت كتير
عايش أيام ما لهاش تأثير
والحلم اللي كان في خيالي
كان حبه دا أجمل تفسير
وهواه في قلبي ملازمني٠
بقلمي٠ عبدالستار جلال٠
ليست هناك تعليقات:
إرسال تعليق