(ابعدي عني)
ابعدي عني
واعرفي حجمك
ايوة لاني
شايل همك
لكن انتي
متستاهليش
مرة افكر
فيكي واعيش
ايوة انا هأقدر
ادوس علي قلبي
واقفل كل بيباني وأخطي
غصب عني ماهو بيدي
ان قلبي رق اليكي
حسك اوووي
وشاف في عنيكي
نظرة حيرة وهجر كتير
قرب ليكي
وحاوطك اكتر
وعلم فيكي
انه مايقدر
يجرح قلبك
لكن انتي ليكي ريادة
اقولها بجد
وكمان باشادة
عرفتي ازاي
تعيشي اللحظة
ما همك أي
ولا حتي دمعة
انتي هتكوني سببها
ابعدي عني
وشوفي نفسك
وانا مستني
ارسم في ملامحك
شقوق غدر وغيرة وهجر
ايوة لان قلبي حر
لكن لازم ادوق نفسي
اد ايه البعد مر
عشان توبة
افكر تاني
اعشق وهم
طار في ثواني
ماهو الحب مش سبوبة
نلعب فيها
واللي يكسب
يجري ويهرب
ويقول اعجوبة
اني عشقت
قلب مش طوبة
ابعدي عني
واعرفي حجمك
محمدالباز
26/2/2016
ليست هناك تعليقات:
إرسال تعليق