(قرار )*** كلمات الشاعرة /هدى دراز
( قرار )
قررت خلاص أنسى الأحزان
وأبدأ حياتى من تانى
واعلق زينة على الحيطان
وأملا بالورد بستاني
زى ما كنت عايشة زمان
قبل ما أغرق فى احزانى
هاعيش زى فراشة فى بستان
وأجمع من الزهور ألوان
وأنشر فرحة فى كل مكان
هاعندك يا دنيا... سمعانى؟؟؟
هاعشق أحلامى واحضنها
هاشوف الدنيا بعيونها
وارسم عصافير بألوانها
فرحان قلبى يغنيلها
فرحااااااانة بدنيا وخدانى
يا قلبى على مهلك..
حاسب......
دارى فرحتك جواك
لا يحسدوك حسادك
على فرحتك فى ليالى هواك
غنى واعزف ..... بألحانى
غنى أغانى للعشاق
ولكل قلب بات مشتاق
غنى كلام عن الاشواق
أغانى جميلة وحشانى
كلمات الشاعرة /هدى دراز
ليست هناك تعليقات:
إرسال تعليق