رباعياتي الواوية
جولة مع الخيال
....
يا واد نازل تهــاتي
ياك ضاع من البُك مالـك
كنت فاكـرك ولد عـاتي
أتاريك ياواد كريع المـقاتي
....
سلام والسـلام لله
دنيا وفيـها العجـايب
كلامك كانت عايزه بله
ونسمع كلام من الغرايب
....
كان بدي توقف رحــــاك
واتموت وحشك الكــاسر
ما جينا نطــــــلب رضاك
ولا ليك عندنا مــفاسر
....
زعلان يا وِلْد والزعل ماليك
وجوفك بيهدر لهــــــــــايب
خفنا لتكون ناوي تلاكيــــك
ونطلع أحنا من أهل المعايب
....
يا عمي خليك بصير وارقب
تعبونا ولاد الندايــل
جرحنا في القلب عقــــرب
حرك جوانا وخلانا عجايل
...
.
عرفينك يا واد ولد سبع
كريم ومن بيت كرامــــة
أبوك كان أسد مش ضبع
وليه في وجهه علامــــة
....
كلامك يصهر الصخر
ويشعل فينا الحرايق
أبونا راجل ولينا الفـخر
وما وقف علي أبواب الحدايق
....
كل الصعايب تهون
ومثيل الكل تحت الترايب
ياما ناس دقت الهون
وصارت بيوتها خرايب
....
يا واد سكتك كلها تعاتير
وخايف لاتحط قدومك
وأمشي وابعد عن الزعابير
لتقلع في يوم هدومك
....
اللي يمشي مع الكريم ماينضام
ولا يخشي في الحق ملامة
حقنا مش عايز كمنضدام
ولا يجي حق بدوم كرامة
....
يا واد هدي طبايعك
وخليها تعدي جمايل
الناس زي صوابعك
وكتر يحب الحمايل
....
دوختني معاك يا عم
ولسانك كله مرارة
عايش حياتك علي النم
ووشك ما فيه حرارة
....
أيوه علي الأدب والرزانة
شهامة وطبعك زي النمور
أن كنت شديد وعندك متانة
هات باطي في باطك
والني تاكله الكلاب والنسور
...
يا مصبر الوحش علي الجحش يارب
فكرتني بكلاب الزرايب
تشوفني يركبك الكرب
واتطلع وسخك قرايب
....
يا عم روح واقفل خشامك
أعمي ونازل في الخلق تدب
عصاية نكسر بيها عظامك
ونوزع لحومك للوحش والدب
....
نمشي وليك ما نعود
وإن عدنا تكون تبت
خسارة نكسر العود
لو ضربنا بدالك بنت
بقلم الشاعر: سيد يوسف مرسي
(رباعيات الجُهَني )
ليست هناك تعليقات:
إرسال تعليق