كانت حكاياتنا
كانت حكاياتنا حدوته
على المسرح الكــبير
أمل عشق حب وأشياء كتير
كانت غنوة تسمع ناس كتير
فى الحب ما تعرف مستحيل
غناها معانا الشجر وزقزقة العصافير
وطار بيها اليمام على قلوب كتير
وفجأة وقف العرض
وبدأ الكلام يطير
نستنى منه الهمس
نحلم بالزفير
حدوته وبدايتها على المسرح الكبير
بس واقفة على المشهد الأخير
نكتبه في الحب
ولا نصدم ناس كتير
باين النور انقطع
والجمهور أسير
مستني نهايتها
على المسرح الكبير
بقلم الشاعر :عماد جبر
ليست هناك تعليقات:
إرسال تعليق