قضية شعب منسية
سوريا
حكاية جرح ومعلّم سطور
على سطر احزاني
كلام باكي وثار الحرف فى سطري
دموع تبكي يا اوطاني
ضلوعي تئن وقلبي يحن من تاني
بحبك بس مش قادر
اخبي صرختي تاني
أاه
وعاليه الصرخه وبتدوي على الأطفال
على الأيتام على حالك وبكّاني
يموت الطفل مش فارق
يموت الحلم مش فارق
حروف ع السطر وبتبكي وانا ببكي
وبيها الكلمة بتعاني
زمان الغدر كان فارد شباك الحزن
غريبه يا سنين عمري
غريب والله يا زماني
تموت الضحكه والرحلة
دي رحلة موت وانا مكبوت
بصرخة صوت بتعلي بجرح من تاني
عيون تدمع قلوب تجرح
قنابل قصف وبتقصف
وذايد فيا بركاني
انا برفض ظلام الظلم يا نيتو
وملعونه معاكم كلمة الفيتو
وملعونه فى الف كتاب يموت اطفال
يموت احباب تغيب الشمس
ويظلّم امل كداب
واية ذنب الطفوله تموت وايه باقي
وايه يتقال شبعنا عتاب
ولا لاقي معاكو جواب
بتعوي ديابه وبتنبح معاها كلاب
ويبكي الطفل وبخوفه وشعره شاب
وراح عمره فى غمضة عين
ومين قاتل ومين مقتول
ومين القاضي والسجان
ومين حس بصرخة ام
وباكيه دموعها بالآحزان
ومين فيكم يحس ف يوم
ومين منكم يكون انسان
بقلم الشاعر المصري :احمد ابراهيم
ليست هناك تعليقات:
إرسال تعليق