أحب مين
أحب مين
يا حطان دار حزين
ما أنتم شاهدين
علي عذابي
و يا أبو رموش بالحب نعسانين
و ح أجيب من فين تاني سنين
علشان أحب بيهم من جديد
و القلب مل من لوع الحبيب
ما خلاص ما راح الحبيب
و هجر وأخذ معاه كل الحنين
و سابلي بس الشوك و ألأنين
بين الضلوع أهم نايمين
أعيش بألمهم فى ليل طويل
و أنت يا قلبي كده يعنى
شمت فيك أعز حبايبي
سهروك لوعوك
و ياريتهم في ليله جوم يزوروك
و طول ليلك و أنت بجمال عيونه شاغلني
و عمال تسألنى
ياترى حبيبي لسه حاسسني
و أنا أقولك ياقلبي
ده كله شغل
علشان تفضل حواليه
بالحب تحوم
ويسهر هو مع عزولي اللي كايدلي
يتسامرو بظلمهم ليك ياقلبي
و أنت يا قلبي كده يعنى
شمت فيك أعز حابيبي
يبقي أحب مين
و أنتم بتقولولي
ياحطان دار حزين
أحب تاني من جديد
طب ما أنتم شاهدين
و نعيد من تاني لوع المواعيد
و الغيره اللي من بعيد لبعيد
و حيرة ألأنتظار يمكن يرء الحبيب
و يوريني معاه ليالي العاشقين
اللي بيعشوها بشوق و غرام كل المحبين
ده شيئ مش أكيد
طب ح نعمل أيه
لما ليل يعدى و نهار يغيب
و لا يسأل عنا و لا يرد علي سؤال العين
و لا حتي ح يبعت ليا طيفه علشان أناجيه
يمكن خايف لا أشهد عليه نجوم الليل
اللي معايا بالحيره برضه سهرانين
و ساعتها بالعشم ح يبقو عليه شاهدين
ما أحنا صبر و صابرين عليه
و مترح ما بيروح أدينا ورا ظله ماشين
و ياريت بعد كل لده له عاجبين
يبقي أحب مين
و أنتم بتقولولي
يا حيطان دار حزين
أحب تاني من جديد
طب ما أنتم شاهدين
و لا ح تسبونى
للحنان اللى مليان أنين
يمكن ألآقى الحب
و ألآقيلي الحبيب
الشاعر السكندرى / على الطاووس
ليست هناك تعليقات:
إرسال تعليق