.شعرت بالحب
شعرت انا بالحب
فا جلست علي جنب
أتذكر سنين عشق مرت
عشقت انا يا من يسكن
في اسمك
حرف السين
سكون في احضانك
و ثاني حرف من اسمك
حرف العين
.
عيني لم تري مثالك
و ثالث حروفك
هو حرف الدال
داله ليا علي عشك
المليء بالحب و اشواقك
و هنا نبض قلبي
با آخر حروف اسمك
و سكن علي طرف لساني
با أبتسامه علي الشفه
و فرحه في عيني طاله
فا شعرت انا بالحب
و جلست علي جنب
أتذكر سنين عشق عليا مرت
و حنيت
أيوه أنا حنيت
فا قومت و روحت
لمكان الحب
اللي كان طارح
جناين و بساتين
كانت خضرا و مزهره ورد
و جالسين انا و انتي علي ده العشب
و مظلل علينا عروش ياسمين و فل
شوفتها أنا النهارده من بعد الفراق و الهجر
شجر أصفر خالي من أي ورد
و لا كأن الشتا عليها جه
و أحنا لسه في بداية صيف
و قبله ربيع و الجو الحلو
و الطريق طال طال بيا بجد
و بقي من تحت رجلي طويل
و أنا عليه عمال أمد و أمد و أمد
و الزفير في نفسي قال
ياه ياه ياه فين زمان
لما كان الحبيب موجود
و ماشي هنا جانبي
و حاطين اليد في الكف
و الهمس بينا عسل و شهد
فا شعرت بالحب
و جلست علي جنب
و حنيت
أيوه أنا حنيت
طب ليه لاء
بس ياريتني ما روحت
علي حيطان زمني شوفت
معني الهجر متجسد
علي شجر و ورق الحب
شعرت و حنيت للحب
أيوه ايوه يا حبيبتي
شعرت و حنيت لده الحضن
الشاعر السكندري /علي الطاووس
ليست هناك تعليقات:
إرسال تعليق