حلم العمر كله
ايوا لسة الدنيا سارقة
احلا حاجة حلمت بيها
بنت .. حلم العمر كله
بنت سحر الدنيا فيها
قربت .. فرجعلى عمرى
و السنين طرحت شباب
و اللى فاتنى جه لحدى
جه فاتحلى الف باب
ريقها زى الشهد طعما
و ف عنيها السر كله
تبتسم الشمس تضحك
فالنهار يفرح بضله
فجأة سافرت قلبى فاتنى
راح معاها و سابنى اموت
و الساعات وقفت مكانها
ليلها مش عايز يفوت
ناى لوحده يادوب بيعزف
لحن طعم الخوف ماليه
العيون بتفيض دموعها
و الرضا مش حاسة بيه
كل شئ ف الكون دا رافض
يبتسم او يبقى هادى
و النجوم العالية طفيت
و القمر ضلم .. فعادى
يكبر الجرح اللى ساكن
تنزف الاحلام صفاها
لما تبقى الدنيا هاجرت
للى قلبى راح معاها
فهمى على
ليست هناك تعليقات:
إرسال تعليق