قـصـيــد ة
(صـبــــاح الـبـكـا شــــــه)
صباح البكاشه
يا هذا ويا هذا ....
نهارك مندي
وشمسك لذاذه ...
ويا له يا صاحبي
ناولني الإزازه ...
وهات لي المصاصه ...
ف عضمي اللي راح
ومزمز وحلي بأحلي جراح
وملعون أبوك يا طعم الكفاح
دا غيري مبرطع
في كم الجاكته
ممد . مسطح
علي أي حته
معلي ف مقامه
ومسموع كلامه
وكله نجا سه .....
يا هذا ويا هذا
بتطلع تنعر
كتير في الشاشات
مستف في بنكك
ذهب . وألوفات
لا مره يهمك
كده حد مات
ضميرك ما مات
وفات أربعينه
لا معروف . وفائك
لمين . او لدينه
بتطلع . وتشتم
ضميري .. وتهينه
وانا بالريموت
مسلطن دماغي
كتير بالساعات
وداني وحشتها
بقبح و فظاظه ..
يا هذا ويا هذا
بنيت كام عماره
وليك كام شاليه
عصرت الدوباره
ومسمتش ليه
خنقت في حياتي
وبعت في فؤادي
عايزيني أبقي راضي
وأصبح عليه
وهوا جنابه مصبحش ليه
ما هانش عليه
يضحي بجنيه
وهايضحي ليه
وكله طفاسه
يا هذا .ويا هذا
كفايه رذاله
ضميركم .. عاوزه له
قرار للإزاله
ضميركم زباله
نظافته ما تنفع
ولا حد يشفع
لحد في نداله
وتسأل لماذا ؟
كتبت القصيده
هجاوب .. يا هذا
بكلمة .. وحيده
لأن البكاشه
دي منهج .وصيده
سنانها .. بتطحن
وتعصر .. وطنا
يا ريت . يا زمنا
ما كنا إتفطمنا
وكلنا العصيده
هرينا في بطانا
ودقنا المذاذة
للشاعر / محمد عبد الفضيل
شـــــبرا
في 25/3/2016
