( اكتر منها )
احمد صبري
متفرقيش كتير عنها
يمكن اكتر منها
م الغدر والخيانة
لا بحبك ولا
بحبها
متقوليش كلام عليها
وانتي عاملة زيها
متفرقيش كتير معايا
ويمكن اكتر منها
-
كدابة متنكريش متحاوليش
تاني تخدعيني
غدارة مبتحسيش مبتحبيش
طلعتي عيني
كلامك كله كلام
بس انتي لسه متعرفيني
غرامك كان اوهام
كسرتي احلامي وحنيني
-
كنت بحلم تبقي حياه
كنت بتمناكي جمبي
قلبي كان شايلك جواه
اترميتي بره قلبي
لا ياحلوة الف لا
انتهت ايامي البمبي
-
كنت عايزك ليل نهار
كنتي مرتاحة معايا
الشيطان اخدك مشوار
وانتي روحتي من ورايا
مهما كان البعد نار
هي دي نهايتك معايا
-
كنتي فاكرة اني ايه
تغلطي وكمان تبيعي
مش هقولك خونتي ليه
بس محرومه ربيعي
قلبي اللي لعبتي بيه
مش هيزعل لو تضيعي
-
متفرقيش كتير عنها
يمكن اكتر منها
م الغدر والخيانة
لا بحبك ولا
بحبها
متقوليش كلام عليها
وانتي عاملة زيها
متفرقيش كتير معايا
ويمكن اكتر منها
