أه م الألم
أما يشرخ ف قلب
مات من زمن
بس حب تاني يعيش
وأما دور ع الحياه
صدق أنه لقاها
والحقيقه مافيش
ما تلقيش يا روح
هايمه وحيده
تاني حياه
أصل أللي بيروح
من تاني مابيرجعش
الوجع طال الضلوع
والدم جف ف الوريد
وأتبعترت الحروف
علي الورق
مبقاش فيها ملامح
وأتنسي إللي كان عمرنا
ما نصدق أنه ما يتنسيش
وشرخ القلب الميت
نزف أوجاع ما تنتهيش
رحم العشق جف
والوليد مات قبل الولاده
والمر بقي كاس الحياه
ما الميتين مايشربوا
غير مرار عشق غدار
قلوبهم ماتت
بس النفس
لساه عايش
مستني حبه ريح
يروح معاها ما يجيش
منال السويفي
ليست هناك تعليقات:
إرسال تعليق